Chapchar Kut dawn avangin Aizawlah no vehicle zone
Aizawl Traffic SP Stephen Lalrinawma chuan Chapchar Kut, 2024 Organising Committee rawtna ang leh Lammual gate aṭanga Vanapa Hall inkarah dawr hrang hrang hawn tum a nih avanga no vehicle zone puan a nih avangin, vawiin chawhnu aṭanga March 1, 2024 chhunga lirthei tlan dan tur a tarlang.
Traffic SP chuan, vawiin chawhnu dar 2 aṭanga tlai dar 5 leh naktuk zing dar 8 aṭanga tlai dar 5 inkara Lammual gate aṭanga Vanapa Hall inkar chu no vehicle zone atan a puang a, lirthei tlan dan tur hetiang hian ruahman a ni.
No Vehicle Zone chhung hian chhim leh hmar inkalpawhna kawngpui (main road) khar a nih dawn avangin a helna tura ruahman kawngpui dungahte traffic jam avanga harsatna a thlen lohna’n bungrua leh lirthei engmah dah phal a ni lo.
Lirthei tlan dan tur:
(Vawiin chawhnu dar 2 aṭanga tlai dar 5)
◆ Chhimlam pan tur lirtheite chu Lammual main gate chhungah lutin, Magazine Guard chungah tlan chhoin Vanapa Hall chhakah an chhuak thla ang.
◆ Hmarlam pan lirtheite chu Tennis Court aṭangin Temple lamah emaw, Vanapa Hall hnuaiah emaw an kal ang.
(Naktuk zing dar 8 aṭanga tlai dar 5)
◆ City Bus chhimlam pante chu Zodin Square-ah kualin an let leh zel tur a ni.
◆ LMV leh two wheeler-te chu Assam Rifles Mandir Gate bul (Fly Over Bridge hnuai)-ah kual let vek tur a ni.
◆ Ramhlun kawng aṭanga Sikulpuikawn via Electric Veng-Chhinga Veng-Bethlehem Veng-College Veng-Republic Veng lamah a kal theih ang.
◆ Bawngkawn aṭanga Sikulpuikawn via Company peng-Chanmari-Vaivakawn-Temple lamah a kal theih ang.
◆ City Bus hmarlam pante chu Tennis Court aṭangin Raj Bhavan hmarlam gate-ah tlan chhoin an kual let leh zel tur a ni.
◆ City Bus ni lo lirthei dang, hmarlam pante chu Tennis Court aṭangin Temple lamah emaw, Vanapa Hall hnuai aṭangin Temple lamah kalin; Temple aṭangin Vaivakawn lamah a kal theih ang. Temple aṭangin Zodin Square lam panin lirthei engmah tlan phal a ni lo.
◆ Sikulpuikawn aṭanga Ramhlun road via Republic Veng-College Veng - Bethlehem Veng - Chhinga Veng - Electric Veng lamah kal theih a ni.
Vehicle Parking area:
◆ Bazar Bungkawn aṭanga Canteen kual.
◆ Treasury Square aṭanga Raj Bhavan chhimlam gate, Tennis Court aṭanga Revenue Office, Aizawl.