Champhai YMA-in High power committee duh

Champhai sub-head-quarters YMA chuan March 5, 2016 aṭang khan Hnahlanah conference an hmang a; Nilaini khan rorel inkhawm hmangin, 'Champhai district tan high power committee nei turin YMA sub-headquarters-in hma la rawh se,' an ti.

Champhai sub-hqrs. YMA inkhawmpuia sorkar khawih an pass zingah, PHE department-in tui bill an siam danah khawl hmanga pump leh khawl hmang loa tui late tan tarrif hran siam a nih theih nan CYMA-in hma la rawh se tih leh, NH Seling - Zokhawthar inkar hi a hlawhtlin thuai theih nan YMA sub-hqrs.-in hma la rawh se tihte a tel.

YMA khawih an pass zingah, branch tinte'n ramngaw leh nungcha humhalh kawngah nasa zawka hma a lak theih nan YMA sub-hqrs.-in hma la rawh se, tih te; YMA kumpuan ‘Ram leh hnam humhalh’ hmalakna atan nupa tuak khat aṭanga fa 10 nei chinte Central YMA-in chawimawina emaw, lawmman emaw hlan ṭhin rawh se, tih a tel.

Hruaitu thar thlan a ni a, president-ah C Lalbiakzauva leh secretary atan PC Lalrawnliana te thlan an ni.