Pâ ei vangin damdawi-inah dah

Pâ (mushroom) ei vangin Mamit Bazar Venga Saikhuma te chhungkua chu an damlo a, April 5, 2016 khan Mamit District Hospital-ah dah luh an ni.

Mamit aṭanga thu dawn danin, Saikhuma te chhungkuain pâ an ei hi papar nia hriat a ni a, April 4 tlai khan chawhmeh atan hmangin, chaw an ei kham hnuah an pum sawisel ṭan a, kawṭhaloin a zut nghal a, an pum a nat bakah an luak a ni.

April 5-ah Saikhuma (35), a nupui Ramdin-mawii (34) leh an fate - Saihmingthangi (12), Biakrinawma (10), Malsawmtluanga (8) leh Miriami (3)-te bakah, an mikhual VL Hriata (20) s/o Liankhama, Tuikual, Aizawlte chu Mamit damdawi-inah dah luh an ni. Tun thlengin an la ziaawm thei lo a, Biak-rinawma chu nikhaw hre loin a la awm niin an sawi.