MZU dinhmun ropui ti

Mizo Students Union (MSU) chuan thuchhuah siamin, Ministry of Human Resource Deve-lopment-in tun hnaia India rama zirna péng hrang hranga institution 3,500 zet a zir chianna aṭanga university ṭha zual 100 a thlan chhuah zinga Mizoram University-in 51-na dinhmun a luah chu ropui an tih thu an tarlang.

MSU chuan, "India rama university ṭha 51-na MZU-in a luah hi ropui kan tiin, thil lawmawm takah kan ngai a, Mizo hnam tan pawh India ram khawvela zirna lama min pho chhuaktuah kan ngai," an ti. MSU hian MZU-a thawktute zawng zawng chungah lawmthu sawiin, an hnathawh zel turah suhdakna an hlan a ni.