Assembly House-ah amendment bill pawm

Nimin Assembly session-ah Land Revenue & Settlement minister B Lalchhanzova put luh 'The India Stamp (Mizoram Amendment) Bill, 2024' chu sawiho a nih hnuah pawm a ni.

The India Stamp (Mizoram Amendment) Bill, 2024 ang chuan stamp duty atana 1% lak ṭhin chu 3% ah tihsan a ni dawn. Ruling member-te chuan bill hi putluh a nih anga pawm an rawt rualin, eptu lamte chuan 3% lo deuha tihsan an rawt thung.

Bill pu luttu B Lalchhanzova chuan miretheite'n an tuar dawn lo tih sawiin, "Ram hralhtuin a pek a ngai dawn loa, ram leitu pek tur a ni. He bill pass a nih avanga koh tur an zawng a nih chuan ka koah a tlak miau avangin mawh ka phur ang," a ti.

Assembly speaker Lalbiakzama'n ṭawngka hmanga vote a lak hnuah bill pawm duh an tam zawk avangin bill hi pawm a ni ta a ni.