Dy. Speaker-in damdawi-in tur a enfiah

Nimin khan dy. speaker Lalfamkima, Kolasib bialtu MLA chuan Kolasib District Hospital building tur sak mek a tlawh a, hnathawktute a kawm nghal.

Lalfamkima chuan hnathawktute chu an hna ṭha tak leh chak taka thawk turin a chah a, hospital sak mek tualzawl tur chu rawt hniam a, parking tam zawk leh lirthei chetvelna zau zawk siam ṭha a tih thu a sawi.

Hospital luhna pakhat chauh awm chu nakin zel atan a la buaithlak dawn avangin a luhna leh chhuahna hi siam belh ṭul a tih thu sawiin Dy. Speaker chuan, "Budget session neih mek a zawh hnuah Health Minister hoa building sak mek hi enho tum a ni," a ti.

Hospital sak mek hnathawktute chuan block A chu May, 2024 hian luah luh nawk nawk theih a peih hman an tum thu te, block A an sak zawh hunah male ward atana la hman, building hlui chu ṭhiah a, block C sak zawm leh nghal tum a nih thute leh block B sak hna an thawh chhoh leh mek tawh thute Dy. Speaker hi an hrilh.