Post dept. hotuin Governor a kawm

Nimin khan chief postmaster general (North East Postal Circle) Mariamma Thomas chuan Raj Bhavan-ah governor Dr Hari Babu Kambhampati a kawm.

Mariamma Thomas chuan Governor hnenah hian state chhunga postal service tihchangtlunna tura hmalakna hrang hrang awm mekte a sawifiah a, an hmalakna kawng ṭhenkhatah Governor thlawpna a dil.

Governor chuan tuna Speed Post-a service chu ennawna, siamṭhat ngai a tih thu sawiin, he service pawimawh tak hi tih hmasawn dan dap turin Postal department hotute chu a chah.

Postal facilities kaltlanga mipuiin an chhawr theih tura centrally sponsored scheme hrang hrang awm mekte chu beneficiary-ten an lo hriat theih nan awareness campaign nasa zawka kalpui turin Governor chuan a fuih bawk.