Nikumah KṬP member 552 an thi : Mitthi zinga 484 chu mipa

Ngopa-a KṬP general conference neih mekah nimin chawhma khan rawngbawlna report inkhawm neih a ni a, kum 2023 chhungin KṬP member 552 an thih thu tarlan a ni.

Central KṬP General Secretary tarlan danin, kum 2023 chhunga KṬP member thi 522 zinga 484 (87.68%) chu mipa an ni a, 68 (12.32%) chu hmeichhia an ni. KṬP member thi tamna ber bial chu Kawnpui Chhimveng Bial a ni.

Nupui pasal nei chhiar-naah chuan nikum chhung khan KṬP member innei 3460 an awm a, an zinga 1,541 chu biak-in hawnga innei niin, mi 1,919 chu hmun­danga innei an ni.

Mizoram chhungah KṬP Branch 904 awmin, KṬP member hi mipa 1,04,736 leh hmeichhia 66,668 an ni a, an vaiin member 1,71,404 an awm.