KHAWTHLIR

Sawhthing vai liam

Agriculture department hnuaia Mission Organic Mizoram chuan Tinsukia, Assam-ah service provider - Clover Organic Pvt. Ltd. kaltlangin sawhthing metric ton 20 an thawn a, sawhthingte hi nimin zing khan Ch. Chhung Truck Terminal, Rangvamual aṭangin vai liam a ni. Sawhthingte hi kg. khat Rs. 55 a hralh a ni.

ILP endik

Serchhip Police leh Serchhip District Mizo Cement Mistiri Association ṭangkawp chuan February 29, Ningani khan Serchhip leh a chhehvelah hnamdang inner line permit (ILP) an endik a, ILP fel lo leh sponsored an nihna ang hna ni lo thawk mek mi 12 an man.