Minister-in T Romana College a tlawh

AH&Vety Minister C Ngunlianchunga chuan, nimin zing khan Republic Venga T Romana College leh AH&Vety Complex a tlawh.

T Romana College-ah hian C Ngunlianchunga hi principal Dr Lalrintluanga leh a thawhpuite'n an lo dawngsawng a; an zirlai pung zelah an hmun a chêp tawh avangin hmun dang ngaihtuah a ṭul a, chumi atan chuan an college bula AH&Vety hmun sahthlak a remchan leh remchan loh an sawipui.

C Ngunlianchunga chuan, T Romana College dinhmun chu a hriatthiampui thu leh zirlai naupangte tan pawh harsatna hrang hrang an hmachhawnte a hriatthiampui thu a sawi a, "Chutihrual chuan, chuti maia thutlukna siam theih a ni lo. Zir chian a, thuneitute nena la sawiho chi a ni," a ti.

AH&Vety minister hi bialtu MLA R Vanlalvena bakah AH&Vety depart-ment hotute'n an ṭawi-awm a ni.