Kawng zauh dan tur enfiah

UDPA minister Zodin-tluanga hoin nimin khan PWD, Power & Electricity, PHE, UDPA leh AMC hotute'n Aizawl khawpui chhunga kawng zauh dan tur an en. Kawng zauh dan tur hi April 7 zing pawh khan an lo en tawh a ni.

Minister leh offcial-te hian Dawrpui Jail Venga Hospital Road aṭanga Babutlang pan chhohna pêng te, Republic Veng kawng pengṭhuam, Pi Pangi pêngte leh Circuit House hlui ṭhiah mekte an tlawh a ni.

Zodintluanga chuan, Aizawl khawpui chei mawi leh a mi chengte tana kawng tinrênga awlsamna siamsak turin sorkarin khawpui tâwt leh traffic jam nasa tihziaawmna atan khawpui chhung inkalpawhna kawngpui siamṭhat hna thawh mek a nih thu a sawi.

UDPA Minister hi AMC mayor PC Lal-hming-thanga, additional chief secretary Arvind Ray, UDPA secretary Dr C Vanlalramsanga leh PWD engineer-in-chief Vanlaltluanga ten an
ṭawiawm a ni.