Chief Minister Lal Thanawla Myanmar zin Zohnahthlakte'n an thlamuanpui

Tahan, Myanmar-a Chap-char Kût a hmanpui hnuah chief minister Lal Thanhawla chuan Myanmar-a Mizo khaw hrang hrangte a tlawh a; Zo hnahthlakte chuan an thla-muanpui thu an lo hrilh.

Chief Minister hian Myan-mar-a Zo hnahthlakte chenna khaw hrang hrang - Khampat, Kanan, Pyingkhung, Letpan Chhawng leh Vaphai khuate a tlawh a; mipuite nen an in-kawmnaah Lal Thanhawla chuan, "Zo hnahthlakte hi Pa-thianin chanchin ṭha puang darh turin min ruat a, kan awmna apiangah chu chu kan ngai pawimawh tur a ni," a ti.

CM Hawla chuan, Zo hnah-thlakte chu thisen inzawm leh thlahtu thuhmun ni mah ila, political ramri ṭhen avangin India ram state hrang hrangah te, Myanmar leh Bangladesh-ahte an awm darh tih sawiin, "Hei hian hian unau kan nihna a ti danglam thei chuang lo," a ti a; Zo hnahthlak Myanmar-a awmte nen awlsam zawka inkalpawh a nih theihna atan sorkar laipuia theihtawp chhuah a tum thu a sawi.

Myanmar-a Zo hnahthlakte chuan nikuma tui lian an tawrh laia Mizoram sorkar leh mipuite'n an ṭanpui avangin Chief Minister chu lawmawm an tih thu an hrilh a; CM Hawla chuan, India sorkarin a ṭanpui theihna atana theihtawp chhuah a tum thu a hrilh ve bawk.

Zomi Democratic Congress Party leh Zomi Youth Associa-tion-te pawhin Lal Thanhawla hi an hmu a; an ram a tlawh chuan Myanmar sorkarin Zo hnahthlakte a ngaihsak lehzual phah an beisei thu an lo hrilh a ni.