Pâ ei vangin Mi pali an thi tawh

Mamit-a pâ ei sual zinga chhungkaw nu ber Ramdinmawii (34) w/o Saikhuma chu nimin chawhma dar 10:10 khan a thi a, nimin khan Mamit panpui niin, vawiinah vui a ni ang.

Saikhuma te chhung-kua hian April 4, Thawhṭanni tlaia papàr nia hriat an ei hnuah an pum a nà a, an chau zui a, mi paliin an thih phah ta a ni.

Mamit District Hos-pital-a dah luh an nih hnu-ah April 7, 2016 zanah an fapa Biakrinawma (10) a thi a, a tûk April 8 zing lamah an fapa dang Malsawmtluanga (8) leh pa ber Saikhuma an thi leh a, April 7 khan an pathum hian vui an ni.

Nu ber Ramdinmawii leh an fate pahnih - Saihmingthanga (12) leh Miriam Lalremruati (3)-te bakah, an mikhual VL Hriata (20, Tuikual, Aizawl-te chu April 7 khan Aizawl Civil Hos-pital thlenpui an ni a; Saihmingthanga chu ICU-ah dah nghal a ni. Ramdinmawii chu Inrinni chawhnu khan Aizawl Hospital ICU-ah dah luh a ni a, nimin khan a thi a ni.

Sai-hmingthanga hi Aizawl Civil Hospital ICU-ah enkawl niin, a din-hmun a ṭha lo niin doctor-te chuan an sawi a; naupang ber Miriam Lalremruati erawh chu a harh ṭha a, a ṭhat chhuah ngei an beisei. VL Hriata pawh Greenwood Hospital ICU-ah enkawl mek a ni a, hma a sâwn rih lo niin doctor-te chuan an sawi bawk.