PWD hnathawhte leh harsatnate enfiah

PWD, Aizawl Road South Division hotute chuan Inrinni khan Aizawl hnaivaia an hnathawh leh harsatna an tawhte thuthar thehdarhtute an enpui a, kawng tichhe tam ber chu kawngpui kama leivung paih a nih thu an sawi a, GAD lamin complaint an dawn vanga PWD-in al-katra an chhuanna new seceratriat complex-a mi ti-tawp tur a tih vangin har-sat-na an tawk mek thu an sawi.

PWD hotute chuan, kawngpui sîra a rûka leivûng paih a tam tih sawiin, Lawipu leh Aizawl by-pass road Chite lei (bridge) sira leivûng paihte thuthar thehdarhtute nen an enho.

PWD hotute chuan, kawng síra leivûng paih chu Aizawl DC hnenah pawh an hriattir tawh thu sawiin, 'Paihna a awm loh chuan khawiah nge an paih chuan ang?' tia a lo chhàn avangin hmun thlan bik engemawzat an ruahman thu an sawi.

PWD hotute sawi danin, leivûng hi Aizawl by-pass road-ah hmun pali, Rangvamual panna kawngah hmun khat leh hmun dang ṭhenkhatah man chawia paih theihna a awm thu an sawi.

Mission Vengthlang aṭanga Tlawng lei thleng kawng an siam thar pawh an enho a, kumin April thlaa zawh tur hun tiam hmaa zawh anih vangin contractor chungah an lawm hle. Tlawng lei aṭanga West Lungdar thleng thawh chhunzawm turin hma an la mek.

Aizawl by-pass road an tlawhnaah hian February 7, 2016-a an hmuh chhuah, PWD-in culvert an siam mimalin hnawhpingin tanky atan a hman bakah a thlangah septic tank a siam chu press mite'n mak an ti hle a; hei hi court-ah thubuai awmin court chuan sorkar chu insawifiah leh hma lo la lo turin a hriattir mek. Culvert hnawhpin hi Salem Veng local council-te nen an enho tawh thu PWD hotute chuan an sawi.

Aizawl Road South Division hian Bazar Bungkawn-Kulikawn leh Canteen Kual-Khatla Bazar kawng siamṭhat hna an thawh mek thu an sawi a; hei hi tui a luh loh nana seal coat mai a nih vangin pan taka tih a nih thu leh, kawng siam laia an harsatna chu lirthei veivak vang a nih a, mipuite hriatthiamna an ngen.

PWD hnathawh leh harsatna enfianaah hian media lam hi I&PR dy. director David L Thang-liana'n a ho a, PWD
aṭang-in executive engineer David Sapzova hoin SDO panga, R Dawngsangliana, Jenny Lalramchuani, PC Zokhuma, K Ram-hlunsanga leh H Lalnun-puia te an kal a ni.