World Homeopathy Day-ah Thanzara

Inrinni leh nimin khan Plenary Hall, Vig-yan Bhavan, New Delhi-ah Convention of World Homeopathy Day hman a ni a, Minister of State for Health Shripad Yesso Naik-in a hawng. He hunah hian Health minister Lal Thanzara pawh a tel a ni.

He inkhawmpuiah hian President Pranab Mukherjee-a'n thu a sawi bakah, AYUSH secretary Shajit Sharan-in report a pe a, LMHI president Dr Renzo Galassi leh Federal of Health Germany-a German ambasador to India Dr Manoj Rajoria ten thu an sawi bawk.

World Homeopathy Convention-ah hian India ram mai bakah, ram danga homoeopathy system tihhmasawn zel dan tur te, ram hrang hrangte'n thawhhona ṭha zawk an neih theih dante leh health care system atana homoeopathy thûk zawka lak luh dan turte an sawiho a ni.

Health minister Lal Thanzara hi Mizoram sorkara AYUSH deputy director Dr Lallunghnema leh NHM-a medical officer Dr Hmingthankimi ten an ṭawiawm.