Taiwan palai leh CYMA hruaitute inkawm

Chapchar Kût hmang tura lokal Taiwan palai Baushan Ger chuan March 1, 2024 khan Central YMA pisa a tlawh a, CYMA hruaitute nen an inkawm.

Taiwan palai leh CYMA hruaitute hian Taiwan ṭhalaite leh Mizo ṭhalaite intlawh tawn (youth exchange) chungchang te, cultural exchange chungchang te, agriculture lam leh skill training lamte leh labour mobility lamte sawihoin, Mizo ṭhalaite hmasawnna tur Taiwan sorkarin a tih ve theih turte pawh sawi lan a ni.

CYMA hruaitute chuan YMA kalphung leh hnathawh dante Taiwan Palai an hrilhfiah a, Mizo ṭhalaite leh Taiwan ṭhalaite nena intlawhtawn dan awm thei se an duh thu an sawi.

Taiwan Palai hi a nupui Hui-Chen CHEN leh assistant representative Ping-Fan Jian leh OSD to CM Jonathan Lalremruatate'n an ṭawiawm.