Silchar-a Mizoram hmunhmate tlawh

Assembly deputy speaker Lalfamkima chuan March 2, Inrinni khan Silchar-a Mizoram sorkar hmunhma hrang hrang a tlawh.

Lalfamkima hian Silchar-a Mizoram House, Mizoram State Transport Terminal leh Mizoram Public Works department (MPWD)-in hmunhma pathum an neihte a tlawhnaah thu sawiin, Mizoram sorkarin Silchar-a hmunhma a neihte dinhmun hre chiang tura tlawh a nih thu a sawi a, "He'ng hmunhmate hi humhalha cheiṭhat bakah, mipuite chhawr theih tura tihchangtlun lehzual a ṭul," a ti.

MPWD hmunhma pakhat, Circuit Road-a awm chu a luahtu chhungkaw hnihte an chhuah duh loh avanga harsatna awm chungchangah Lalfamkima chuan a ṭul anga hmalakna kalpui a nih tur thu Dy. Speaker chuan a sawi.

Deputy Speaker hi Mizoram House, Silchar-a assistant resident commissioner Hasina Begum leh Silchar-a Transport leh PWD hnuaia thawkte'n an lo dawngsawng a ni.