Beng ṭha lote hearing aid pe

Beng ṭha lote tanpui ṭhintu, Ephatha Society Of Mizoram for the Deaf and Hard Of Hearing (ESOMDHH) chuan tunhnai khan Mizoam hmun hrang hranga beng ṭha lo mi 150 te chu a thlawnin hearing aid an pe.

ESOMDHH tarlan danin, Ali Yavar Jung National Institute For Speech And Hearing Disabilities (D), Mumbai nen ṭangkawpin beng ṭha lote enfiahna, Ephatha Special School for the Deaf and Hard of Hearing, Kulikawn West-ah neih a ni. He hunah hian Mizoram hmun hrang hranga bengri hriatna ṭha lo mi 150-te hnenah a thlawna hearing aid pek an ni.

Hearing aid hi sorkar laipuia Department of Empowerment For Persons With Disabilities, Ministry of Social Justice And Empowerment hnuaia ADIP scheme kaltlanga sem a ni.