Kuhva chingtute duty dawn

Bilkhawthlir Kuhva Chingtu Cooperative Society (BKCCS) Ltd. bultuma Bilkhawthlira kuhva chingtute March 2, Inrinnia inhmukhawm chuan duty an rel.

BKCSS chuan Myanmar aṭanga dan loa kuhva rawn lut nasa avangin an kuhva tharte hralhna kawngah harsatna an tawh avangin Bilkhaw­thlira kuhva chingtute hi kokhawmin, hmalak dan tur an sawipui a ni.

BKCSS chairman H Malsawma kaihhruai meeting-ah hian Myanmar aṭanga kuhva rawn lut nasa avanga harsatna an tawh dan te, nikumah an kuhva hralhna zat tura beisei an phak loh thute leh kuminah phei chuan hnamdang kuhva rawn zawng an awm tak meuh loh thute tarlan a ni.

Kalkhawmte chuan dan loa Myanmar aṭanga kuhva rawn lut ṭhin chu dan chah a nih theih nan BKCSS kaihhruaina hnuaia duty an rel a, "Duty hi a rang lama ṭan nise," an ti.