Lirtheia chetsualnaah thi

Ngopa-a KṬP General Conference a kal tur scorpio chu Saichal daiah March 2, Inrinni chawhnua dar 2 vel khan a chesual a, kawng­thlangah metre 100 vel lumin, chet­sualna hmunah Rebecca Lalrinmawii (34) d/o Hmangaihthangi, Bawngkawn Vengin nunna a chan.

Scorpio-ah hian mi pali an chuanga, midang pathum chuan hliamna lutuk an tuar lo. Saichal YMA chuan Rebecca Lalrinmawii ruang hi kuangah dahin, Saitual Sub.Hqrs YMA Committee Room-a thlahna hun hman a nih hnuah Aizawl panpui a ni. Nimin chhun dar 12 khan an vui.