Pâ ei vanga thite tawrhpui

Chief minister Lal Thanhawla, Central YMA leh BJP chuan thu-chhuah siamin, tun hnaia pâ ei vanga Saikhuma, Mamit leh a nupui leh a fate pahnih an thi chu a tawrhpui thu leh, dam-dawi-ina enkawl mek mi dang pathumte an ṭhat chhuah leh ngei an duh-sak thu an tarlang.

Chief Minister chuan, "Saikhuma, Mamit Bazar Vengin pâ ei vanga amah leh a nupui leh a fapa pahnihte'n nunna hlu tak an chán tih Myanmar rama kan zin laia ka hriat-in kei leh ka nupui thinlung a ṭháwng hle a, pawi kan tiin, an chhungkua kan tawrhpui tak zet a, Pathianin awmpuiin thla-muan se tih hi kan ṭawngṭaina a ni," a ti a; damdawi-ina enkawl mek mi pathumte pawh an ṭhat chhuah leh theih nan an ṭawngṭai reng thu a sawi.

BJP, Mizoram Pradesh pawhin thuchhuah siamin, Saikhuma te chhungkuaa mi pali pâ ei vanga an thi chu pawi an tih thu leh an tawrhpui thu an sawi a, "Tuna enkawlna dawng mek mi dang pathumte an dam chhuah vat kan duhsakin, kan ṭawng-
ṭaipui reng a ni," an ti.

Central YMA chuan Mamit Bazar Venga Saikhuma te chhungkuaa mi pali, pâ ṭha lo ei vanga an thi chu pawi an tih thu leh an tawrhpui thu tarlangin, "Chhiat tâwk chhungkuate Pathianin a awmpui kan duhsak a... He chhiat tawhna aṭang hian Mizo tlawmngaihna vul zel se tih hi YMA duh dan a ni," an ti.