Thubuai ngaihtuah hun sawn

Kau-Tlabung Mini Hydel Project leh Tui-panglui Mini Hydel Project chungchang Court-a ngaihtuah hun tur chu sawn hlat a ni a, May 2, 2016 a ngaihtuah tura tih a ni.

Thu dawn danin, Kau-Tlabung Mini Hydel Project leh Tuipanglui Mini Hydel Project thu-buai hi April 5, 2016-a ngaihtuah tura tih a ni a, mahse, sokar ukil an inthlak avang leh Court chawlh a awm avangin a hun sawn a ni.

Thubuai chhuitu Anti Corruption Bureau (ACB) chuan February 2015 khan an chhuina report (chargesheet) chu Court-ah an thehlut tawh a; chargesheet-ah hian thil tisuala rinhlelh (suspect) mi pali hming tarlan a ni.

Chargesheet-a a lan dan chuan, thil dik lo tia rinhlelhte chu - Lian-sanga, PWD engi-neer-in-chief (Rtd); Lal-nunmawia Sailo, Power & Electricity chief engineer (Rtd); Laldawngliana, P&E SDO leh, Swopan Kumar Roy, sumdawngte an ni. Chargesheet hian nimin khan District & Session Court a thleng nia thu dawn a ni.

He thubuai chung-changah hian mi pakuain anticipatory bail an dil angin phalsak an lo ni tawh a, chargesheet-ah erawh mi pali hming chiah a lang thung.

Kau-Tlabung MHP leh Tuipanglui MHP siamnaah sum tihchingpen a awma hriat vangin PRISM chuan October 3, 2008-ah ACB-ah FIR an thehlut.

ACB chhuina aṭangin May 13, 2010-ah Kau-Tlabung kaihhnawihah PWD leh Power & Electricity engineer pariat leh Tui-panglui kaihnawiah engi-neer pakua thubuai siamsak tura tih an ni.

He thubuaia High Court thutlukna chu Mizoram sorkarin Supreme Court-ah a khinglet a, sorkar petition thehluh chu Su-preme Court-in May 11, 2015-ah a ngaihtuah a, mahse Supreme Court chuan Mizoram sorkar petition chu a hnawl a, chuvangin ACB chuan thu-buai hi an chhui zui a ni.