Judge-in Lawngtlai a tlawh

Gauhati High Court judge Michael Zothankhuma chuan nimin khan Lawngtlai a tlawh a, chief judicial magistrate office, Court building leh quarters sakna tur hmunte a en.

Michael Zothankhuma chuan, Lawngtlaiah hian Court-in ama puala building a la neih loh avang-in DC building pakhat a luah hawh tih sawiin, "Mahni puala building an neih thuai theihna atan hmalak mek a ni. Nakinah chuan CJM mai ni lo, Session Judge dah ṭul hunte pawh a la awm thei a, chu'ng hunte thlîr chungin LADC hotute leh DC-te nen hmunhmate en a, hmalak dan tur ngaih-tuahho tura Lawngtlai hi rawn tlawh ka ni," a ti.

Hiigh Court Judge hian LADC hotu te, Lawngtlai DC A Muthamma leh SP Lalsanglura te pawh a kâwm bawk.