Land Acquisition Bill-a siamṭhat ngaite Select Committee-in an siamṭha mek

Mizoram Legislative Assembly hnuaia pêng pakhat, Select Committee on the Mizoram (Land Acquisition, Rehabilation and Resettlement) Bill, 2016-te chu nimin khan Assembly committee room-ah an ṭhukhawm a; dan siamṭhat ngaite an siamṭha.

Meeting-ah hian Land Acquisition, Rehabilation and Resettlement Bill, 2016-a siamṭhat ngai lai eng emaw zat an siam ṭha a, a ṭha tawk lo laite an endik. Committee hi vawi khat an ṭhu-khawm leh dawn a, chumi hnuah dan chu hman theih tura thil ṭul ang angte tihfel tum a ni ang.

Assembly session hnuhnung berah khan he bill hi pharh a ni a, hun eng emaw chen sawiho a nih hnuah siam-
ṭhat ngai laite siamṭha turin Selection Committee kutah dah a ni.

Select Committee-ah hian Land Revenue & Settlement minister R Ro-mawia chairman a ni a, member-te chu - PC Zoram Sangliana, John Siamkunga, T Sangkunga, R Vanlalvena, Lalruatkima leh Dr K Beichhua te an ni.