Tuirial HEP tur khuah mek enfiah

Multi Disciplinary Committee chuan, April 8, 2016 khan an chairman Rosiama Vanchhong, additional PCCF hoin Tuirial Hydro Electricity Power project (HEP) hmalakna kal mek an enfiah.

Committee chuan, Tuirial HEP tuikhuah siam a nih vanga leilung a tihchhiat dan leh Central sorkarin environment clearance a peka hmalakna tur an tuk zawng zawngte an tihhlawhtlin dan an endik a; tun dinhmunah chuan hmalakna ṭha an tih thu an sawi.

Tuirial HEP tuikhuah (dam construction) hi metre 12 vela sang lei chhûn khah tur a ni a, July 2016-ah khuah zawh hman an beisei. Diversion channel chu zawh fel tawh a ni a, spillway (fûr tui len laia tui kaltirna tur) chu 90% zawh a ni tawh.

Tui khuah tlin (impounding of reservoir) chu October 2016-ah
ṭan tum a ni a, power house chu September 2017-ah zawh hman beisei niin, chumi hnuah kawlphetha pek chhuah theih a ni ang.