Ram laksakte pass a bo

Kum 2006 aṭanga 2009 chhunga Bilkhawthlir to Bairabi national highway 154 kawngpui zauhna atana ram an laksak, zangnadawmna an pek chhungkaw 880 zinga chhungkaw 59 te in hmun pass chiah hmuh chhuah a ni tawh.

Ministry of Road Transport and Highway (MRTH) chuan Bilkhawthlir to Bairabi kawng zauhna atana ram an lak chin chu tifel a, an hnena thehlut tura a hriattir angin, Kolasib DC H Lalengmawia hoin nimin khan offcial-te an ṭhukhawm a, hmalak dan tur an sawiho. Ram laksate hi zangnadawmna pek vek tawh an ni.

Meeting-ah hian chhungkaw 880 te pass chu MRTH hnenah hian hlan theih a nih leh nih loh enfiah a ni a, chhungkaw 59 te pass chauh hmuh chhuah niin, heng zinga 54 chu a duplicate a ni.

Meeting chuan compensation la zawng zawngte chu May 15, 2016 hma ngeia an pass orginal-te thehlut vek turin an hriattir bakah, Revenue dept. leh PWD te chu compensation pek fel tawh chin enchiang a, sketch map siama a hmuna chhinchhiah na siamvek turin an ruat.

Kolasib DC chuan, kawng siamna atan ram lak sakte hi compensation pek fel vek ni tawh mah se, a ram chin tur ziaka chhinchhiah a awm loh avangin sketch map hi siamṭhat a ngaih thu a sawi.