HM Zira'n Champhai a tlawh

Home minister R Lalzirliana chuan Thawh-ṭanni khan Champhai Bazara police beat post thar tur ruahman leh Champhaia office hrang hrangte a tlawh.

Home Minister hian sorkar hnathawkte chu thawhhona ṭha tak an neih a duh thu sawiin, mipui rawngbawl hnaah theihtawp chhuah tur leh hnathawh reng rengah vil ngun a, quality ṭha ngai pawimawh turin a chah.

R Lalzirliana hian Agriculture office complex, DRDA office leh Excise & Narcotics office-te a tlawh a; Champhai District Football Association buatsaih Rii&Hawla Inter Village Football tournament a hawng bawk.