Zenghri danna chungchang sawiho

State Level Task Force Committee for Pulse Polio Immunization chu nimin khan Health secretary Lalrinliana Fanai hoin a pisaah an ṭhukhawm.

Meeting-ah hian World Health Organisation (WHO) Aizawl Unit Sur-vei-l-lance medical officer Dr Lalhlimpuii'n thu sawiin, zenghri danna hman lai mek trivalent oral polio vaccine (tOPV aṭanga bivalent oral polio vac-cine (bOPV)-a thlak a nih tur thu a sawi.

Dr Lalhlimpuii chuan, "Zenghri (polio virus) hi chi thum - P1, P2 leh P3 a awm a, tuna zenghri danna thlawr chi hman mek tOPV-ah hian P1, P2 leh P3 laka invenna a awm a, P2 hi kum 1999 aṭang khan khawvel pum huapa a rêm tâk avang leh P1 leh P3 laka invenna a chak zawk theih nan April 25, 2016
aṭang hian trivalent OPV
aṭangin P2 awm tawh lohna bivalent OPV hman ṭan a ni dawn," a ti.

TOPV hmang mek khawvel ram hrang hrang 156-te chuan kumin April 17 aṭanga May 1 chhung hian tOPV aṭangin bOPV ah an inthlak vek dawn a; India sorkar pawhin bivalent oral polio vaccine (bOPV) hman ṭan ni tur atan April 25, 2016 thlangin, National Switch Day a vuah. April 25 hnu lam aṭang chuan India ram pumah tOPV hman a nih tawh lo ang.

Meeting-ah hian Health department, IPR, Social Welfare department, auto-no-mous district council aiawh, WHO, UNICEF, Rotary Club leh MHIP aiawhte an tel a ni.