Hmasawnna hna thawh enfiah

General Insurance Company, Mumbai hotute chuan nimin khan Rajya Sabha MP Ronald Sapa Tlau-in model village atana a thlan, Chhiahtlang khuaa ṭan-puina an pek dawngtute hna thawh an enfiah.

GIC Mumbai hian CSR project atan hian kumin March 2015 tìr khan ṭanpuina sum hmahruai chu MP pahnihte model village - Khawlailung leh Chhiahtlang khuaah an pe a; chhungkaw 10 ve vete hnenah Sustainability Livelihood for Small & Marginal Farmers Project hnuaiah ṭanpuina hi an pe a ni.

GIC hotute chuan, Chhiahtlang khuain Clean Chhiahtlang, hmeichhe tihhmasawnna, smart classroom leh sanitation hnuaia an hnathawh hrang hrangre chu fakawm an tih thu an sawi.

CIC hotute hi Serchhip DRDA project director Teresa Vanlalhruaii hoin official leh khawtlang hruaitute'n an lo dawngsawng a, Chhiahtlang community centre-ah anmahni lawmna buatsaih a ni.