CYMA-in AR ngaichâng dawn

YMA Central Executive Committee (CEC) nimina ṭhukhawm chuan, ṭhutkhawm hmasain August 31, 2020 chhung ngeia Assam Rifles-te ngaihdam dil tura an phût chungchang an ngaihtuah a, AR-te ngenna angin September 5, 2020 thleng ngaihchàn an rêl.

CYMA thuchhuah tarlan danin, ṭhutkhawmah hian Assam Rifles 23 Sector DIG leh a hote pathumin ṭawngkaa ngaihdam an dilna leh Mizoramah AR Director General a rawn kal dawn avangin September 5, Inrinni thleng ngaichâng tura an ngenna sawiho a ni. Meeting chuan, AR-te ngen angin September 5 thleng ngaihchan ṭha an ti a ni.

Tarlan tawh angin, August 13, 2020-a Central YMA ṭhukhawm chuan, AR-te chu an mi leh sate August 15, 2020 tlai dar 4-a Sesih khuaa hmeichhe feh haw chunga a zahawmna tibawrhbáng záwnga an chêt avang leh, Mizoram sorkarin Covid-19 laka himna tura thupek a siam pawisa loa an paltlang luih avangin August thla chhung ngeia ngaihdam dil turin an phût a ni.