Chhungkaw 5 inthiar chhuak

Khawzawl Vengthara lei tlahniam ṭhin chu tun hnai ruahsur nasa vangin a che leh a, Khawzawl Vengthar Bazar Building thlang lam, Vengthar Field leh Vengthar YMA Hall inkara awm chhungkaw panga chuan Thawhṭanni leh nimin khan an chenna in an chhuahsan.

Khawzawl aṭanga thu dawn danin, Khawzawl Vengthara lei chê vang hian Thawhṭanni khan Tlanthangi te chhungkua chuan an in an chhuahsan a; nimin zing khan Khawzawl Vengthar VC leh YMA hmalaknain chhungkaw pali - Mandinga, Kawl­hnuni, Saithangpuia leh Ngurchhawni te chhung­kua chu an bung­ruate thiar chhuah ve leh a ni.

Mahni in chhuahsantu chhungkaw pangate hi Vengthar YMA Hall, Pri­mary School-VII leh Anganwadi building-ahte khawsaktir rih an ni.