Rua chìntir tumna khua thlan a la ni lo - CM

Horticulture changtu chief minister Zoramthanga chuan, rua/mau chìntir tumna khua thlan a la nih loh thu nimin khan Assembly session-ah House a hrilh.

Congress Legislature Party leader Zodintluanga Ralte-in Mizorama rua/mau chìntir tumna khaw zat a zawhna chhángin Chief Minister chuan, "Rua/mau chìntir tumna khua thlan fel a la nih loh avangin a zat hriat a la ni lo," a ti a; SEDP hnuai aṭangin mau/rua chi siam nan sum sên a awm loh thu a tarlang.

Mizorama mau/rua hardening tawh zat zawhna chhangin Zoramthanga chuan, "Mau/rua hardening hi department tih a nih loh avangin hardening tih zawh tawh zat hriat a ni lo," a ti.