Pa ei sual avangin mi panga an thi ta

Mamit Bazar Venga pâ ei vanga damlote zinga mi, Saihmingthanga (12) s/o Saikhuma chu nimin chawhnu dar 1:40 khan Aizawl Civil Hospital-ah a thi ve leh a; heti hian pâ ei vangin Saingura te chhungkuaa mi paruk zinga panga an thi ta a ni.

Tarlan tawh angin, April 4, 2016 tlaia pâ ei vang hian Saikhuma (35) bakah, a nupui Ram-dinmawii (34), an fate zinga pahnih - Biak-rinawma (10) leh Mal-sawmtluanga (8) te chu an lo thi tawh a ni. Saihmingthanga chu April 7-a Aizawl Civil Hospital-a lak a nih hnuah ICU-ah enkawl nghal a ni a, dam chhuak zo loin nimin khan a thi ve leh a ni.

Saihmingthanga ruang hi nimin khan Mamit panpui nghal a ni a, vawiinah vui a ni ang.

ACH medical supe-rintendent Dr Rosang-luaia hnen aṭanga thu dawn danin, Saikhuma fate zinga naupang ber, Miriam Lalremruati (3) erawh chu a ṭha viau tawh a; an mikhual VL Hriata (20, Tuikual, Aizawl erawh chuan hma a sawn rih lo thung.