Rúl-in Zothansanga chuk hlum

Zothansanga (28) s/o Thanchhingi, Mission Vengthlang chu rûlin a chuk avangin nimin zing dar 6:20 khan Aizawl Hospital-ah a thi. Rúl hi khuavang rúl (black krait) nia hriat a ni.

Thu dawn danin, Thawhlehni zan dar 9:30 vel khan khan rûl leh zawhte insual hmuin Zothansanga te hian rûl chu an man a, Zothansanga hi rûl hian a chuk a ni.

Zothansanga hian ná a ti lem lo a, mahse a hnu deuhah a thâwk a hah a, zan dar 10:30 velah Aizawl Civil Hospital (ACH) an pan.

ACH-ah rûl tûr thahna (anti venom) a lo awm lo a, New Life Hospital an pan leh a, anni pawhin an lo neih loh avangin Aizawl Hospital an pan leh a; rûl túr thahna pe nghal mah se, an chhan zo ta lo.