KHAWTHLIR

CM lo haw

Chief minister Lal Thanhawla chu Myanmar ram hmun hrang hrang tlawh tura April 3, 2016-a Aiz-awl a chhuahsan hnuah, nimin khan Aizawlah a rawn let leh a; Congress party mite'n Lengpui Airport-ah lo hmuakin, CM Bangla tualah an inkawmho nghal.

Motor-in su hlum

LH Lalmuansanga, Zote South chu April 11, 2016 tlai khan Lunglei Venglaiah pick-up in a su hlum. Thu dawn danin, pick-up hian LH Lalmuansanga pisa kái haw lam kawnga a kal chu a sû a, Lunglei Civil Hospital-a enkawl a nih hnuah a hliam tuar loin zan dar 8:30 velah a thi. Pick-up hian Bolero car pawh a hnâwl a, mi dang pakhat a hliam bawk.

Râlna hlan

March 18, 2016-a Sakawrdaia leiminin a chhilh hlum, Laltuakvunga (23), Sakawrdai ràlna atana sorkarin a pek Rs. 4,00,000 chu nimin khan Aizawl DC aiawhin Sakawrdai SDO(C) Lawmkima'n Laltuakvunga pa Tlang-lawrthanga hnenah a hlan.

Hmanrua pe

State Bank of India (SBI), Mamit Branch chuan Mamit District Hospital-a hman turin nimin khan damlo zâwnna nawrlirh (stretcher trolley) pali leh wheelchair pali an pe. Hmanruate hi corporate social responsibility (CSR) hnuaia pek a ni.

Puantah zir

Lunglei DIC leh Mizoram Women Polytechnic, Aizawl ṭangkawp chuan nimin khan NLUP hnuaia Lunglei khawpuia puanṭhui leh puantah thlangtute tan ni thum awh tur training an buatsaih a, Lunglei DC Abhijit Vijay Chaudhari-a'n a hawng.

Thisen pe

Rawpuichhip Pastor bial KṬP chuan, nimin khan Rawpuichhip community hall-ah Synod Hospital tan thisen unit 31 an pe a, a petute mipa 30 leh hmeichhia pakhat an ni. Mamit College NSS pawhin nimin khan Mamit District Hospital tan thisen unit 25 an pe a, a petute mipa 15 leh hmeichhia 10 an ni.