Vathuam- puiah buhfai a awm lo niin ZNP-in an sawi

Zoram Nationalist Party (ZNP) chuan thuchhuah siamin, Lawngtlai district-a Vaṭhuampui khuaah tunlai hian buhfai an neih loh avangin an mangang hle niin an tarlang.

ZNP chuan, Vaṭhuampuiah a rang thei ang bera buhfai thawn turin Mizoram sorkar chu an phût a, "Mizoram sorkarin a ngaihthah zel a nih chuan Vaṭhuampui khaw tan rampum huapa vehbûr khawn kan hreh dawn lo a ni," an ti a, kudamah hun rei tak chhung buhfai a awm tawh lo niin an tarlang.

ZNP thuchhuah tarlan danin, Vaṭhuampui khuaah hian chhiarpui hnuhnung ber, kum 2011 chhiarpui ang chuan in 232 awmin mihring 1,254 an cheng a; buhfai an dawn loh rei tawh avangin mi
ṭhenkhat chaw atana bahra ringte pawh an awm a ni.