Thenzawlah sikul khâr leh bandh tum

Thenzawl khuaa V/C, political party leh tlawmngai pawl hrang hrangte chuan April 15, 2016 hmaa Thenzawlah SDO(C) dah a nih loh chuan April 18-ah Thenzawl SDO huam chhung-a sikul leh sorkar pisa zawng zawng khâr leh April 24-ah total bandh huaihawt an tum.

Thenzawla V/C, political party leh tlawmngai pawl hrang hrang hruaitute chu MZP sub-headquarters, Thenzawl huaihawtin nimin zing khan Then-
zawl Bazar Venga Vantawng YMA Rûnah an
ṭhukhawm a; Thenzawla SDO(C) post ruak hnawh-khat tura sorkar nawr dan tur an ngaihtuah.

Pawl hrang hrangte chuan, Thenzawl MZP-te'n April 15 ral hmaa Thenzawla SDO(C) post hnawhkhat tura sorkar an ngenna a hlawhtlin loh chuan April 18-ah Thenzawl Sub-Division chhunga sikul leh sorkar pisa zawng zawng khâr ni se, an ti. Sikul leh pisa khârin awmzia a neih loh chuan April 20-ah total bandh huaihawt an rêl nghal bawk.

Thenzawla pawl hrang hrangte chuan, SDO(C) post ruak hnawhkhat tura MZP hmalakna chu an thlawp thu an sawi a, lungawi lohna lantir kher ngai loa SDO(C) dah thuai turin sorkar an ngen tih an tarlang.

Thenzawl aṭanga thu dawn danin, Thenzawl hi kum 15 kal ta aṭangin Sub-Division a ni tawh a, mahse, kum 15 chhungin kum 5 vel bâk SDO(C) an la awm lo.

SDO hnu-hnung ber chu January 2016-ah Champhaiah sawn a ni a, a aiawh tur dah loin, Serchhip BDO hmuitir a ni. SDO(C) awm loh vangin mipuite'n harsatna tam tak an tawk tawh niin an sawi.