MPSOA Guest House lungphùm phúm

Mizoram Police Sub-ordinate Officer Association (MPSOA) Guest House sakna tur lungphûm chu nimin khan DGP Thianghlima Pachuau-in Bungkawn tlanga CID Complex-ah a phúm.

MPSOA Guest House hi cheng nuai 250 senga sak tum a ni a, a sakna tur sum chu Mizoram puma MPSOA member-te'n an thawhkhawm dawn a ni. Thawhlawm an khawn thawh khatnaah Rs. 22,60,000 an hmu tawh a, a ṭul angin thawhlawm hi an khawn zel dawn a ni.

Guest House hi CID Complex, Bungkawnah sak tur a ni a, chhawng ruka sak a ni ang.

Thianghlima Pachuau chuan, department ring ringawt lo a, mahni sum sênga department tana thil ṭha tih duhna rilru police-te'n an pu chu lawmawm a tih thu a sawi a, "Department aṭanga lo do let ve dan ngaihtuah a ni ang," a ti.