Lawngtlaiah sikserh dona hawng

Nimin khan Lawngtlai district-ah sikserh do thla, Anti-Malaria Month hman ṭan a ni a, Lawngtlai Chief Medical Officer pisa conference hall-ah a hawnna hun hman a ni.

Lawngtlai district consultant Lalchhuan-awmi Khiangte sawi danin, kum 2015 chhung khan Lawngtlai district-ah sikserh vei nia rin mi 48,450-te thisen endik a ni a, mi 8,398-in sikserh an vei tih hmuh chhuah a ni. Nikum chhung vek khan sikserh vangin mi pakhat a thi. Kuminah January-March chhung khan mi 12,701-te thisen endik niin, sikserh vei mi 660 an awm bawk.

Anti malaria Month hawnnaah hian State Vector-Borne Diseases Control Prog-ram-me consultant Dr Zoram-muana'n thu sawiin, sikserh laka invenna programme bawhzui a nih avangin kum tin hmasawnna a awm zel niin a sawi.