Presbytery inkhawmpui neih phal

Mizoram Presbyterian Kohhran hnuaia in­khawmpui lian ber dawttu, Presbytery Inkhawmpui chu October 8-11, 2020 chhung hian hmun hrang hrangah neih a ni dawn a; Mizoram sorkar chuan inkhawmpui neih a phalsak bakah, loh theih loh thil a nih chuan palai 50 aia tam an kal a phalsak.

Hemi chungchangah hian Mizoram State Disaster Management Authority hnuaia State Executive Committee member secretary Lal­biaksangi chuan nimin khan thupek a chhuah. Thupeka a lan danin, sorkar thuchhuak anga Pathianni bika lirthei tlân chhuah phal loh chu inkhawmpuia tel turte tan bik thlahdul a ni a, inkhawmpui palai an ni ngei tih tichiangtu neih a ngai thung.

Inkhawmpuiah hian Covid-19 chungchanga sorkarin kaihhruaina a duante ṭha taka zawm tura tih a ni bawk.