VC 8 & LC 24 thlan hun atan September 4 tinzâwn a ni

State Election Commission (SEC) chuan, August 27, 2020-a village council leh local council thlan ve lohna khua leh vengah September 4, 2020 (Zirtawpni)-a inthlang turin ruahmanna lailâwk a siam.

SEC chuan August 31, Thawh­ṭanni khan Health & Family Welfare (HFW) Secretary hnenah lehkha thawnin, VC/LC thlan leh Covid-19 swab test chungchang a tarlang a; tuna VC leh LC term kal mek chu September 7, 2020-ah a tàwp dawn avangin VC leh LC la thlan thar ve lohnaahte September 4-a inthlan buatsaih turin ruahmanna siam chhin a nih thu a tarlang a ni.

September 4-ah inthlan buatsaih tuma ruahman chhin a nih avang hian SEC chuan Health Secretary chu VC leh LC la thlan lohna khua leh vengte chu Covid-19 chungchangah ngai pawimawh leh zual turin a ngen a; swab sample lâk leh endik pawh chak zawka kalpui tur leh, inthlan kaihhnawih a nih avangin ngai pawimawh bik turin a ngen bawk.

SEC chuan VC leh LC inthlan la buatsaih ve lohna khua leh vengte a tarlang nghal a, chu'ngte chu a hnuaia mite hi a ni.