Health care bill ba rulhna atan cheng vbc. 50 pek chhuah a ni

Mizoram sorkar chuan nimin khan health care scheme hnuaia damlo bill bate rulhna atan cheng vbc. 50 a pe chhuak tih chief minister Lalduhoma'n Assembly House-ah a sawi.

Chief Minister chuan, sorkar kalta khan health care scheme atan hian cheng vbc. 60 an dah thu sawiin, "Cheng vbc. 35 an pe chhuak hman a, sorkarna kan chan hnu lawkah cheng vbc. 15 kan pe chhuak ve leh a ni. Pek chhuah loh cheng vbc. 10 la awm leh, kan sorkar hnua kan dah cheng vbc. 40 chu vawiin (nimin)-ah kan pe chhuak. Kar leh lamah chuan damlote ipte a thlen kan ring," a ti.

Sorkar hmasain SEDP atana a dah cheng vbc. 110 aṭanga health care bill ba atana an dah tak, cheng vbc. 40 an pek chhuah har chhan sawiin Lalduhoma chuan, "Re provision ngai a ni a, a buaipui hun chhung a rei," a ti a, health care bill ba rulhna tur cheng vbc. 50 release a nih tak avangin sorkarin ngaihven se a duh thu a sawi.