Intlan chhâwk hnuah lirthei a pung

ZPM member H Ginzalala zawhna Transport minister Vanlalhlana'n a chhanna aṭanga a lan danin, lirthei intlan chhawk hma aiin, lirthei intlan chhawk hnuah lirthei regsiter a pung nasa.

Transport Minister chuan, lirthei intlan chhawk hma kum rukah lirthei register 60,416 a awm thu leh intlan chhawk hnu kum rukah lirthei register 1,26,697 a awm thu sawiin, "Lirthei intlan chhawk avangin lirthei a pun chak phah em tih chungchang hi Transport department-in zir chianna a la nei ngai lo," a ti.

Lirthei intlan chhawk chu Aizawl khawpui chhungah chauh hman a nih thu sawiin, "Aizawl hi Mizoram khawpui ber a nih angin Aizawl lirthei chauh pawh ni lo, Mizoram hmun hrang hrang aṭangin lirthei lut leh chhuak a inpawlhsawp nasa hle," a ti a, intlan chhawk avanga nitina lirthei ding zat tur sawi mai theih a nih loh thu a sawi.