Seling hmasawnna sawiho

Aizawlah District Level Committee on Sansaad Adarsh Gram Yojana (SAGY), Phase-VI Seling chu nimin khan DC conference hall-ah an convener & district nodal officer Nazuk Kumar, bawrhsap hoin an ṭhukhawm a; Seling khaw hmasawnna atana line department-te hnathawh hrang hrang leh hmachhawpte an sawiho.

Seling khua hi Lok Sabha MP C Lalrosanga'n SAGY Phase-VI hnuaia Model Village atana a thlan a ni a; ṭhukhawm hian Seling khua hmasawnna (Village Development Plan) atana department hrang hrang 10 hnuaia project 38 ruahman tawhte thlirhoin, tun dinhmunah project 30 zawhfel a nih tawh thu leh project pariat thawh hmabak a awm thu tarlan a ni.