VSE training chhuakte certificate hlan

Vocational School of Education (VSE) chuan Lawipu venga VSE Skill Training Centre-ah March 5, 2024 khan kum 2023-24 chhunga cement mistiri, beauty therapist leh fashion designing zirzo mi 43-te certificate hlanna hun an buatsaih a; LESDE director Angela Zothanpuii chu khuallian niin, CYMA president Lalhmachhuana chu khualzahawm a ni.

Kum 2023-24 chhung khan VSE-ah hian plumbing general, beauty therapist, cement mistiri leh fashion designing zirlai mi 240 an awm. VSE hian kum 2009 aṭang khan skill training programme hrang hrang - handloom, health, apparel, construction, telecom, automative, IT, plumbing, security, electronics, etc.-te chu district hrang hrangah a kalpui a, heng cource-te hi national recognised course (NSQF aligned) niin, an zir zawhah assesment neih a ni a, a hlawhtlingte chu SSC emaw MCTV certificate hlan an ni ṭhin.