Hnahthial College-ah Voter Awareness

Hnahthial District Election Office leh Govt. Hnahthial College NSS ṭangkawp chuan nimin khan Hnahthial College-ah Voter Awareness Campaign, 'Mera pehle vote, Desh ke liye' an buatsaih a; zirlaite tan vote thlak chhinna hun siam a ni.

District SVEEP nodal officer K Ngosai, DIPRO chuan MP inthlan hnuhnung berah Mizoram pum huapin vote a tla chhe hle tih tarlangin, kumin inthlanah chuan theihtawp chhuahpui turin zirlaite a ngen.

Resource person Dr Robert Sanglora Khawbung, Hnahthial College asst. professor chuan, "Mipui thlan sorkarna ram nih hi a hlu hle a, duhthlanna fim tak nena vote thlak chu mipui dikna chanvo leh tih ngei tur a ni. Democracy chuan sorkar dik leh langtlang a hring ṭhin a, vote thlak chu democracy tihchakna a ni," a ti.

Campaign-ah hian zirlaite, a bikin kum 18 tling thar, kumin inthlana vawi khat vote thlaktu turte'n EVM hmangin vote an thlak chhin a ni.