North-II bialah LCC din a ni

Aizawl North-II bialtu MLA Dr Vanlalthlana chuan kum 2020-21 atan a bial chhung veng tinah Local Development Committee (LCC) a dinpui. Committee hi an veng ṭheuha hmasawnna hna thawh tur leh ngaih pawimawh hmasak turte ngaihtuahtu tur a ni.

Dr Vanlalthlana chuan, MLA fund chu mipui ta a nih thu sawiin, "Veng chhung mipuite'n an aiawhte hmanga an veng chhunga hmasawnna hna thawh turte an thlan hi kalphung thar, amah thláwptu party ZPM-in an sawi ṭhinte zinga mi a ni. Mahni in lum emaw, office dawhkân aṭang ni lo, mipuite nena an mamawh tur sawiho veng tan a hlâwk hle a ni," a ti.

LCC-ah hian local council member te, YMA, MHIP, MUP aiawh pahnih ṭheuh, political party tin aiawh pakhat ṭheuh bakah, khawtlanga paràwn kái pahnih ṭheuh an tel a, bialtu MLA chu chairman a ni. Aizawl North-II bialah hian veng pakua a awm.

Dr Vanlalthlana hian nimin khan a bial chhunga Ramhlun South MUP building sakna turin MLA fund aṭangin Rs. 4,00,000 a hlân a ni.