Sazuk kaptua puh an man

North Vanlaiphai Forest Range-a thawktute chuan March 2, 2024 a Mualcheng rama sazuk kaptua puh Malsawmtluanga (49), North Mualcheng chu tunhnai khan an man a, March 6, Nilaini khan Serchhip District Jail-ah dah luh a ni.

Thudawn danin, Forest dept.-a thawktute hian Mualcheng ramah sazuk kap an awm nia hriain an chhuizui a, Malsawmtluanga hi an man ta a ni. Malsawmtluangate inah hian sazuk sa nia hriat an chhum hmin leh sazuk lu hmuh chhuah a ni a, silai an man sak nghal bawk.

Malsawmtluanga hi Wildlife Protection Act 1972 hnuaiah thubuai siam sak niin, Serchhip District Court-a Chief Judicial Magistrate (CJM) hnenah hruai a nih hnuah jail-ah dah a ni.