National Youth Parliament Festival-a telte chawimawi

Sports & Youth Services secretary Lalramsanga Sailo chuan nimin khan a pisaah February 9 - March 6, 2024 chhunga India ram puma National Youth Parliament Festival, 2024-a Mizoram aṭanga tel zirlai pathumte thingpui inpuiin, Nehru Yuva Kendra Sangathan (NYKS), Mizoramin lawmpuina certificate an siam chu a hlan.

National Youth Parliament Festival, 2024-ah hian Grace Lalrinpari Hauzel (Pachhunga University College), Lalruatdiki Colney (Serchhip College) leh Lalṭhakimi (Serchhip College) te an tel a; Grace Lalrinpari Hauzel hian minutes 4 hun pekah 'Young Voice: Engage and Empower for National’s' tih thupui a sawi a ni.

Ministry of Youth Affairs and Sports chuan Nehru Yuva Kendra Sangathan (NYKS) leh National Service Scheme (NSS) kaltlangin District Youth Parliament, State Youth Parliament leh National Youth Parliament-te a buatsaih a; Youth Parliament-te hian democracy bulpui tihchak tumin, discipline hrisel, midangte ngaihdan tuar thiamna leh ṭhalaiten Parliament kalphung leh nihphung an hriat theih nan he programme hi buatsaih a ni.