Traffic jam tihziawmna atana hmalaknate House hrilh

ZPM member H Ginzalala zawhna chhangin UDPA minister K Sapdanga chuan, Aizawl traffic jam tihziawmna atana hmalaknate House a hrilh.

UDPA Minister tarlan danin, Co-ordination Committee on Traffic Mana­gement (CCTM) chu Chief Secretary hnuaiah din tawh niin, a executing body Unified Transport Coordination Committee on Traffic Management (UTCC) for Aizawl pawh AMC Municipal Commissioner hnuaiah din a ni tawh. Heng committee-te hian recommendation leh action lak ngai siamin hma an la mek a ni.

UDPA department hnuaiah hian Aizawl Sustainable Urban Transport Project (ASUTP) kalpui mek a ni. He project hnuaiah hian Complete Mobility Plan siam zawh tawh niin, project feasibility report an buaipui mek.